ХӨСҮТ-өөс улаанбурханы халдварын нөхцөл байдлын талаар мэдээлэл өглөө. Өнөөдрийн байдлаар улаанбурханы 1756 тохиолдол бүртгэгджээ. Бүртгэгдсэн тохиолдлын тоо нэмэгдэж байгаа учир 9 сартай болон хоёр настай улаануудын эсрэг вакциндаа хамрагдаагүй бол нөхөн дархлаажуулалтад хамрагдахыг анхаарууллаа. Нөхөн дархлаажуулалтад 15 хүртэлх насны хүүхэд харъяалал харгалзахгүй хамрагдах боломжтой байна. ХӨСҮТ-ийн захирал Э.Анхбаяр “Арваннэгдүгээр сард томуу, томуу төст өвчний дэгдэлт нэмэгдэнэ. Хэрэв энэ улаанбурхан өвчинтэй хавсарвал хүнд хэлбэртэй явагдах болов уу гэж тооцоолж байна. Тиймээс дархлаажуулалтад хамрагдахыг уриалж байна. Товлолт болон нөхөн дархлаажуулалтад хамрагдаж чадвал ирэх намар томуу, томуу төст өвчнийг хүндрэл багатай давна” гэв.